GIAWHAG ang mga Kagay-anon nga adunay mental health concerns sama sa depression, anxiety ug kadtong gapakita og sinyales sa paghikog sa pagpahimulos sa mental helpline nga gitanyag sa City Social Welfare and Development Department Psychosocial Division.

 

Ang mental helpline pwedeng i-contact sa numero 09700392709 gikan Lunes hangtud Biyernes, alas-8:00 sa buntag hangtud alas-5:00 sa hapon.

Pwede usab mag-book og online appointment pinaagi niini nga link: https://tinyurl.com/mentalhelplinecdo.

 

Gawas sa mental health concerns, ang mental helpline pwede usab mapahimuslan sa mga nabalaka, na-stressed, wala kasabot unsay unahon, naglibog ug kadtong nanginahanglan og ka-istorya apan wala'y maduolan.

 

Hinumdumi, nia mi maminaw kanimo. Anaa usab ang imong pamilya ug ang imong komunidad. Wala ka nag-inusara. (NLB/CIO/Infographic by Rod Constantino/CIO)

#WeAreHereForYou #HAWID #AkongKaugalingonAkongPamilyaAkongKomyunidadAkongResponsibilidad