Gi-presentar sa City Local Environment and Natural Resources Office (CLENRO) ngadto sa buhatan sa mayor ang Plaque of Recognition nga nadawat gikan sa UN-Habitat Philippines, uban sa League of Cities of the Philippines atol sa ‘World Cities Day’ niadtong Oktubre 28.

 

Si CLENRO Head Engr. Armen Cuenca ug Elvisa Mabelin, CLENRO Asst. Department Head, ang personal nga mitunol kang Mayor Klarex Uy sa maong plaque.

 

Ang Cagayan de Oro giilang ‘Local Champion for Marine Litter Action’ nunot sa pagpanday niini sa City Plan of Action on Marine Litter agi’g suporta usab sa National Plan of Action on Marine Litter.

Lakip sa gipasidunggan ang siyudad sa Calapan, Davao, Legazpi, Ormoc ug Manila.

 

Ang City Plan of Action on Marine Litter ning siyudad molungtad gikan 2021 hangtud 2025, diin plano usab kining isukip sa 10-year solid waste management plan sa Cagayan de Oro. (NLB/CIO/photo by Aicy Soriano/CMO)