MOKABAT sa 286 ka mga Philhealth ID ug MDR (member’s data record) alang sa mga NHTS Philhealth members sa Barangay F.S Catanico ang gitunol sa Philhealth Insurance Corporation Region X pinaagi ni Mr. Abdul Obedi S. Alip, Social Insurance Officer ngadto kang Mayor Rolando Klarex Uy atol sa ‘Klarex nga Serbisyo sa Baryo’, Nobyembre 19.

 

Nagpahigayon usab ang City Health Insurance Office sa pagpangulo ni CHIO officer Dr. Efren Celeste uban ang Philhealth X sa ‘KonSulTa registration’, diin 118 ka tawo ang serbisyuhan, samtang 71 ang mipaubos sa ‘profiling’, ug 51 usab ang bag-o narehistro nga miyembro sa Philhealth.

 

Ang serbisyo sa Philhealth usa lang sa gidala sa daghang mga serbisyo nga libreng gitanyag atol sa ‘Klarex nga Serbisyo sa Baryo’ sa kagamhanang lokal. (AGP/Photo by Rod Constantino/CIO)