GIANUNSYO ni Mayor Rolando “Klarex” Uy ang kausaban sa ‘Peoples’ Day’ sugod karong Enero 2023 diin buot niini nga mas daghan pang katawhan ang iyang maserbisyohan matag adlaw’ng Miyerkules.

 

Sa mensahe ni Mayor Klarex atol sa unang sinemanang pagpakayab sa nasudnong bandila karong tuiga, iyang gibutyag nga diha na sa City Hall quadrangle modawat ug moatubang og mga bisita ang mayor, kauban ang mga department managers aron mas mapasayon ug mapadali ang paghatag og tubag sa mga panginahanglanon sa katawhan nga moduol ug mangayo og tabang sa syudad.

 

Matud ni Mayor Klarex, usa usab kini sa iyang pagpadayag sa iyang pag-unong sa katawhan ug pagpabati sa iyang matinud-anong pagserbisyo kanila nga nanginahanglan sa gobyerno.

 

Ang ‘Peoples’ Day’ ipahigayon matag adlaw’ng Miyerkules ug usa kini sa mga pinasahi nga programa ug serbisyo ni Mayor Klarex ug sa iyang administrasyon. (ACM/Photo by JAY ARANCON/CIO)