Sa tuyo nga mas daghang katawhan ang maalagaran ug matabangan, wala na sulod sa iyang buhatan kondili sa City Hall quadrangle na gipahigayon ang ‘Peoples’ Day’ kon ‘Adlaw sa Katawhan’ ni Mayor Klarex Uy sugod adlaw’ng Miyerkules, Enero 11, 2023.

 

Kaabag sa Mayor ang mga department managers aron sa ingon mas mapadali usab ang pagtubag o' pagsulbad gilayon sa mga suliran nga ipadangat sa mga katawhan nga nanginahanglan og tabang.

 

Kahinumduman nga gibuksan ni Mayor Klarex ang iyang buhatan matag adlaw’ng Miyerkules aron personal nga maatubang, mapaminaw ug matubag ang mga yangungo ug problema sa mga residente sa dakbayan.

 

 

Tipik kini sa kagustohan ni Mayor Klarex nga maserbisyohan ang kinabag-ang katawhan ubos sa iyang prinsipyo nga …’ang gobyerno duol sa katawhan, ug ang katawhan duol sa gobyerno’. (AMTB/photos by Jay Arancon)