ILUSAD na sa Department of Tourism Regional Office 10, uban sa Department of Labor and Employment (DOLE-10) ang programang "Trabaho, Turismo, Asenso: Philippine Tourism Job Fair Northern Mindanao’ sa umaabot Marso 30-31, Huwebes ug Biyernes, diha sa Limketkai Atrium Center ning dakbayan.

 

Alayon niini, usa ka tigom ang gihimo karong adlawa, Marso 28 tali ni DOT-10 Regional Director Marie Elaine S. Unchuan ug DOLE-10 Representative Atheneus A. Vasallo aron hisgutan ang pagpangandam sa nasangpit nga job fair.

Matud ni RD Unchuan nga mikabat na sa 71 ka mga employers ang musalmot sa kalihukan, diin mas taas kini sa ilang gilauman nga 50-60 ka employers lamang.

 

Nasayran nga anaa sa 2,239 ka mga bakanteng posisyon ang mamahimong maangkon sa mga aplikante sama sa administration, accounting, marketing, human resource, front office, support staff, MICE operators, food and beverages, kitchen or food production, ingun man housekeeping.

 

Padayon nga giaghat sa DOT ug DOLE ang mga katawhan sa syudad ug kasikbit nga mga lugar nga pahimuslan ang higayon ilabina kadtong mga displaced workers ug nangita’g trabaho. (AMTB-CIO)