Mokabat sa 132 ka mga bata nga nag-edad og 10-15 anyos gikan sa nagkadaiyang barangay sa syudad ang gitigom atol sa ‘Children's Congress’, Abril 15, diha sa Xavier University Ateneo-de Cagayan Grade School Macasandig Gymnasium.

Ang mga bata gilangkoban sa mga school children, out-of-school youth, persons with disabilities, LGBQTI, Indigenous People's sector ug faith-based sector.

 

Atol sa kalihokan, gipresenta ni Jonah Domingo, Vice Chair sa City Council for the Protection of Children ang katungod sa mga kabataan kalabot sa Participation, Survival, Development ug Protection.

Natapos ang kalihokan pinaagi sa pag-organisar sa children's organization diin napiling presidente si Jovita Mae Manriquez gikan sa Barangay Puntod.

 

Ang Children's Congress ubos sa inisyatiba sa City Council for the Protection of Children (CCPC), uban sa Oro Youth Development Office (OYDO), World Vision, Save the Children, Gugma Sa Kabataan, Incorporated ug Child Fund Philippines (Xavier Science Foundation - Kaabag sa Kalambuan pinaagi sa Kabtangan na Katilingban).

 

Tinguha niini ang mahatagan og higayon ang mga kabataan nga mapagawas ang ilang mga tingog kalabot sa isyu nga direktang naka-apekto pinaagi sa paghatag og mga sugyot ug rekomendasyon sa kasulbaran sa problema.

Kini kabahin sa mga lakang sa siyudad ubos sa pagpangulo ni Mayor Klarex Uy aron mapalig-ong ang imahe sa siyudad isip ‘Child-Friendly City’. (NLB/CIO/photos by Kim Zaldivar/CIO)