Morepresentar ang Cagayan de Oro Higalas Team A ug Team B sa dakbayan sa Cagayan de Oro sa umaabot Pilipinas Super League 18-under Mindanao North Leg nga ipahigayon karong Mayo 14, 2023.

Kini human gidominar sa duha ka teams sa Higalas ang bag-ohay natapos nga PSL Misamis Oriental Qualifiers diha sa Barangay Gusa gym ning syudad.

 

Gilaumang makaatbang sa Cagayan de Oro Higalas 18-under teams ang mga banggiitan nga basketball teams gikan sa tibook pulo sa Mindanao atol sa PSL Mindanao finals.

 

Samtang iyang gipadayag ang suporta, nanghinaut si Mayor Rolando "Klarex" Uy, kauban ang buhatan sa City Sports Office, nga masakmit sa Cagayan de Oro Higalas ang kampeonato sa maong torneyo. (DLS/Photos by Cagayan de Oro City Sports Office)