Naglaum ang Task Group Demolition sa syudad nga gipangulohan ni Atty. Jose Edgardo Uy nga hingpit na’ng malimpyo ang Isla Delta gikan sa mga illegal settler families kon ISFs, ingon man illegal quarrying activities sa Cagayan River.

 

Hinay-hinay usab nga gipasabot sa mga personahi sa City Social Welfare and Development (CSWD) ang mga pamilya kalabot sa ilang kuyaw nga kahimtang kung magpabilin sila sa maong dapit nga gideklarar nga `no build zone area’.

 

Ang mga apektadong pamilya nga dili residenti ning syudad ug walay kabalhinan, ingon man kadtong dili kuwalipikado sa housing program sa syudad, temporaryo nga gidala sa sitio Pamalihi, barangay Pagatpat.

Sa kasamtangan, pipila na lamang ka mga barong-barong ang nabilin sa Isla Delta ug gilauman nga mabalhin na silang tanan sa Pamalihi sa dili madugay. (ALR/CIO/Photos by Reynan Baylin & Roel Felicitas/CIO)