Mapasalamaton ang unang batch sa micro rice retailers ning syudad human midawat og ayudang pinansyal nga balor og P15,000 pinaagi sa Sustainable Livelihood Program - Economic Relief Subsidy sa Department of Social Welfare and Development (DSWD-10) uban sa pagpaningkamot sa Department of Trade and Industry (DTI-10), Septiyembre 13, diha sa city hall mini park.

 

Mismo si DSWD National Program Management representative Lowell Cornejo; DTI Misamis Oriental Provincial Director Almer R. Masillones; uban ni City Administrator Atty. Roy Hilario Raagas, kinsa mirepresentar ni Mayor Klarex Uy; City Councilor George Goking kinsa mao'y Chairperson sa Committee on Trade and Commerce; ug Atty. Egay Uy, Co-chair sa City Price Coordinating Council ang mitunol sa financial assistance ngadto sa mga rice retailers.

 

Ang maong payout usa ka national event ug dungan nga gipahigayon sa tibuok nasud kansang tumong nga mahatagan sa alibyo ang mga micro rice retailers human naapektohan sa ‘price ceiling’ sa regular ug well-milled rice. (NLB/CIO/photos by Rod Constantino)