Mitunol ang Department of Science and Technology (DOST-10) og pundo sa LGU-CDO alang sa pag-implementar sa ilang proyekto nga gitawag og "CDO Central: Centralizing CDO Data and Information in One Online Portal," Septiyembre 11, diha sa City Mayor's Office, ning siyudad.

 

Ang pundo nagbalor og kapin usa ka milyon. Kini gamiton alang sa phase 1 sa pag-establisar sa usa ka data center, centralized database alang sa mga datos nga anaa ang LGU-CDO ug paghatag og training sa mga mogamit niini, mga department managers sa city hall, ug technical staff sa matag department.

 

Si DOST X Assistant Regional Director Virgilio M. Fuertes, uban ni Joanah Magto, representante sa DOST Provincial Office Misamis Oriental, ang mitunol sa tseke ngadto kang Mayor Klarex Uy, uban ni Focal person for Smart City Innovation Dr. Ferdie Miranda ug Oro-Trade and Investment Promotions Center Department Manager John W. Asuncion.

 

Tumong sa maong proyekto nga makadugang sa mga lakang sa siyudad nga mamahimo kining smart city. Nasayran ang maong proyekto aduna'y tulo ka phase diin kini gilaumang mahimoan sa mobile application, diin ang City Management Information Systems and Innovation Department uban sa Oro TIPC mao'y manguna sa pag-implementar niini.

 

Gawas sa proyekto, gipa-ilaila usab sa DOST ang iSTART kon plataporma alang sa strategic alignment sa DOST technology transfer programs and projects ug uban pa alang sa gikinahanglang suporta sa development sa kabukiran. (NLB/CIO/photos courtesy of CMO)