GIPAILA na ni Mayor Rolando “Klarex” Uy ang mangulo sa gimugna’ng Cagayan de Oro City College ning syudad pinaagi ni Dr. Jestoni Babia human gisugdan ang pagbukas sa dalan padulong sa luna nga tukoran niini sa Brgy Dansolihon.

Ang pagtudlo kang Dr. Babia, pinaagi sa Executive Order 232 series of 2023, laumang makatabang og dako nga mas mapalambo pa ang city college ingon man ang standard ug kultura niini.

 

Gipasigarbo usab ni Mayor Klarex ang pagdawat ni Dr. Babia sa katungdanan isip interim president sanglit naila kini niya ug ang iyang kahanas sa natad sa edukasyon.

Samtang gipailawom na usab sa proseso ang papeles sa city college alang sa mga 4-year courses nga itanyag niini.

 

Kahinumdoman nga liboan na ka mga trainees ang mitapos sa CDO City College sa mga vocational courses sama sa Electrical Installation and Maintenance NC II; Housekeeping, Shielded Metal Arc and Welding; Barangay Health System ug Carpentry diin daghan na usab ang natabangan nga maplastar sa trabaho. (ACM/CIO)