Usa ka open tryouts ang gipahigayon bag-ohay lang sa City Sports Development Office ubos sa pagpangulo ni Romarey Gorro sa tuyo nga makadiskubre og mga batan-ong atleta nga morepresentar sa dakbayan sa Cagayan de Oro kon Team CDO sa nagkadaiyang kompetisyon sama sa Batang Pinoy National Championship 2023.

 

Lakip sa mga sports events nga mihimo’g open tryouts mao ang volleyball, 3x3 basketball, swimming, table tennis, badminton, arnis, archery, chess ug athletics.

Nasayran nga ipahigayon ang Batang Pinoy 2023 karong umaabot bulan sa Disyembre ning tuig didto sa kaulohan.

 

Usa ang grassroots sports development sa gitutokan sa administrasyon ni Mayor Klarex Uy, uban sa paningkamot sa mga city coaches ug buhatan sa City Sports Development Office. (DLS/Photos by CDO City Sports Dev’t Office)