GIDAWAT ni Mayor Klarex Uy uban ni City Social Welfare and Development (CSWD) Department Manager Annie Tongson ang pasidungog gikan sa Department of Social Welfare and Development (DSWD) nunot sa malampusong pag-implementar sa Pantawid Pamilyang Pilipino Program kon 4Ps atol sa pagpakayab sa nasudnong bandila, adlaw'ng Lunes, Oktobre 2, diha sa city hall quadrangle, ning siyudad.

Ang maong pasidungog nunot na usab sa pagkamugna sa siyudad sa City Inter-Agency Committee (CIAC).

Mahinumduman nga una kining gitunol atol sa pagsaulog sa 15th Anniversary sa 4Ps implementation ug 4th Anniversary sa 4Ps Act niadtong Agosto 1, didto sa Sequoia Hotel, Quezon City, diin gitambongan kini ni City Councilor Girlie Balaba, kinsa mao'y chairperson sa Committee on Social Services.

Nasayran nga ang Cagayan de Oro maoy usa sa pinakauna nga syudad nga nakamugna og CIAC. (NLB/CIO/photos by Reynan Baylin/CIO)