Gilusad niadtong Lunes, Oktubre 2, atol sa pagpakayab sa nasudnong bandila sa city hall quadrangle ang ‘Search for Most PWD-Friendly Barangay’.

 

Kini na ang ikalimang tuig sa search uban sa tema: ""Aksesibilidad at Karapatan ng mga Taong may Kapansanan: Daan tungo sa Sustenableng Kinabuksan na Walang Maiiwan."

 

Mismo ang Technical Working Group nga girepresentar ni Persons with Disabilities Affairs Office (PDAO) Head Maria Liza Corpuz ug gilangkoban sa nagkadaiyang buhatan sa LGU-CDO ang nangulo sa maong launching.

Sa iyang mensahe, gikalipay ni Corpuz nga aduna na'y mihimo'g benchmarking activity dinhi sa siyudad bag-ohay lamang human mibisita ang Municipal Development Council (MDC) sa Baggao, Cagayan Valley.

 

"Sulod sa lima ka tuig, kung atong sukdon, layo na pud. We want to go further and we will not stop until ang atong lokal nga pangagamhanan mahimo gyud nga PWD-Friendly. Of course, dili namo na mahimo kon wala ang suporta sa atong halangdong Mayor, Mayor Klarex Uy, ang 20th city council ug ni Atty. Roy Raagas. Salamat kaayo sa inyong suporta ug kaninyong tanan dinhi sa city hall. Salamat for being PWD-Friendly," saysay ni Corpuz.

 

Ang kalihukan gisaksihan mismo ni Mayor Klarex Uy uban sa 20th city council pinangulohan ni Vice Mayor Bebot Rodriguez; City Administrator Atty. Roy Hilario P. Raagas.

 

Pasidunggan ang mga mananaug sa numbered ug named barangays karong bulan sa Disyembre diin makadawat og cash prize nga balor og P50,000 sa unang ganti, P40,000 sa ikaduhang ganti ug P30,000 sa ikatulong ganti. (NLB/CIO/photos by Reynan Baylin/CIO)