MADAWAT na sugod karong Nobyembre 16 ang gikahinaman nga year-end bonus alang sa mga casual ug regular nga empleyado sa city hall.

 

Kini ang malipayong gipahibalo ni City Mayor Rolando ‘Klarex’ Uy nga gikahugyaw sa mga kawani sa syudad atol sa senemanang flagraising ceremony Lunes sa buntag.

Sama sa naandan, madawat sa mga casual ug regular nga kawani sa city hall ang year-end bonus nga balor og usa ka bulan nga sweldo.

 

Nanghinaut ang mayor nga ang pag-release sa year-end bonus makahatag unta og kadasig sa mga trabahante sa syudad sa pagtunol sa tinuoray ug kinasing-kasing nga serbisyo ngadto sa katawhan.

 

Gawas pa niini, gibutyag sa mayor nga makadawat gihapon sa second tranche Christmas Bonus ang mga kawani sa city hall karong bulan sa Disyembre, samtang laing bonus usab ang ilang madawat pag-abot sa bulan sa Enero sunog tuig. (CIO photos by Reynan Baylin)