GIPAHIGAYON sa Community Improvement Division- Adolescent Health & Development Program ang Adolescent Sexuality and Reproductive Health Classes (ASRH) sa 183 ka mga tinun-an sa Grade 7 sa Balulang National High School, Enero 9 ning tuig.

 

Dungan usab nga gipaubos sa Learning Package for Parent Education (LPPEd) session ang 85 ka mga ginikanan sa nasangpit nga mga estudyante.

 

Tumong sa ASRH ug LPPed nga ma-edukar ang mga tinun-an ug ilang mga ginikanan sa mga isyu kalabot sa teenage pregnancy, sexually transmitted infections, HIV, AIDS, substance abuse, mental health ug violence nga sagad maka-apekto sa paglambo sa mga kabatan-onan ug makapakgang sa pagkab-ot sa ilang mga pangandoy.

 

Ang nasangpit nga educational sessions tipik lang sa mga paningkamot sa kagamhanang lokal ug uban pang ahensya sa pagpakunhod sa ihap sa sayo nga pagmabdos ug sa kinatibuk-an nga pag-asdang sa kaayohan sa mga kabatan-onan. (AGP/Photos by CID)