HINGPIT na ang pagmugna ug pagtinabangay tali lokal nga kagamhanan ning syudad ug Balay Mindanaw Foundation, Inc alang sa disaster preparedness ug post disaster adaptation human kini giaprobahan sa mga sakop sa City Disaster Risk Reduction and Management Council (CDRRMC) atol sa 4th Quarter Meeting niini.

 

Kini sa tinguha nga mas mapalambo ug mapalapdan pa ang pagtinabangay sa private ug civil society groups sa panahon nga makasinati og kalamidad ang Cagayan de Oro.

 

Gani man, lakip sa nauyonan sa CDRMMC ang panaghiusa usab sa Kagay-anon Disaster Emergency Response Network (KDERN) sa pagtabang sa syudad diha sa pagtubag sa panginahanglanon panahon sa kalamidad.

 

Kahinumdoman nga una nang gipasidunggan ang City Disaster Risk Reduction and Management Department sa pagpangulo ni Nick Jabagat ubos usab sa administrasyon ni Mayor Rolando “Klarex” Uy isip national awardee sa ‘Gawad Kalasag’ tungod sa hapsay ug paspas nga pagpadagan sa ilang buhatan ug pagtubag sa bisan unsang matang sa kalamidad nga nasinati sa Cagayan de Oro. (ACM/CIO Photos by ROEL FELICITAS)