Usa ka art exhibition ang ipasundayag alayon sa kasaulogan sa National Arts Month ug paghandum sa legasiya ni local artist nga si Pennesencio "Nonoy" Estarte.

 

Ang exhibit gikatakdang ipahigayon sa lokal nga kagamhanan sa Cagayan de Oro, uban sa Department of Trade and Industry (DTI) ug Kagay-an Misamis (KaMi) Creative Council diha sa may City Museum and Heritage Studies Center karong umaabot Pebrero 19, 2024, alas tres sa hapon.

 

Nasayran nga usa si Nonoy sa mga local artists nga nakapadasig sa uban pang mga artist dinhi sa dakbayan pinaagi sa paghatag og giya sa mga young artists sa Cagayan de Oro.

Sa nasangpit nga art exhibit, ipasundayag ang mga pinakaulahing obra ni Nonoy Estarte ug bukas kini hangtud Abril 30 ning tuiga. (GB/CIO)