Gisugdan sa administrasyon ni Mayor Rolando `Klarex’ Uy pinaagi sa Agricultural Productivity Operations Office (APOO) ang unang hugna sa ‘Fishing Permit Caravan’ diha sa Barangay Puerto covered court, Huwebes, Pebrero 15, 2024.

Nasayran nga dili lang mga mananagat sa Brgy Puerto ang nakapa-rehistro apan lakip na usab mga mananagat sa Brgy. Bugo.

 

Tumong ning maong kalihokan nga marehistro ang mga fisherfolks nga anaa sa 12 ka coastal barangays ning syudad.

 

Gipasabot sa kadagkuan sa APOO nga mag-una ang fishing permit caravan sa mga barangay sa 2nd District ug isunod dayon ang sa 1st District.

 

Kini nga inisyatiba giabagan sa Philippine National Police Maritime Division (PNP-Maritime), Philippine Coast Guard (PCG), ug Philippine Crop Insurance Corporation (PCIC).

 

Nasayran nga ang PNP-Maritime mohatag og maritime clearance certificate nga gikinahanglan sa mga mananagat isip rekisitos aron tugutan sila nga makapanagat.

 

Maghimo usab og insurance ang buhatan sa PCIC alang sa mga fishing vessels ug cages sa mga mananagat. Mahimo usab iparehistro sa mga operators ang ilang mga tawo.

 

Ang APOO naglaum pahimuslan kini nga higayon sa tanang mananagat nga nanimuyo sa Puerto ug Bugo kay alang man kini sa ilang kaayohan ug seguridad. (ALR/CIO/Photos from Roel Felicitas /CIO)