GIPAUBOS sa ‘evaluation’ sugod Marso 4 – 7 ang 13 ka mga tunghaan sa Cagayan de Oro nga magtigi alang sa ‘Search for the Most Outstanding School-based Teen Center’.

 

Ang nasangpit nga evaluation gipangunahan sa Community Improvement Division – Adolescent Health and Development Program, uban sa suporta sa City Social Welfare and Development – Psychosocial Division, City Health Office, Oro Youth Development Office ug Department of Education – CDO.

 

Naglangkob niini ang mga national high school sa Balulang, Carmen, Bayabas, Kauswagan, Angeles Sisters, Macabalan, Mambuaya, Bayanga, PN Roa, Bugo, Lapasan, Camaman-an ug Cagayan de Oro NHS.

Lakip sa gisusi ang physical facility/set up, services and operations ug records and documentations, samtang gipaubos usab sa evaluation ang mga guidance counselors, PopDev club moderators ug PopDev club leaders sa matag teen center sa nasangpit nga mga tunghaan.

 

Tinguha sa syudad nga mapalambo pa ang mga programa sa mga teen centers sama sa pagbatok sa ‘teenage pregnancy’, paglambigit sa mga estudyante sa mga illegal nga binuhatan, ingon man matutokan usab ang physical and mental health sa mga estudyante. (AGP/Photos by Reynan Baylin/CIO)