MIKABAT sa 65 ka mga local operators sa micro, small, and medium enterprises kon MSME's ning siyudad ang misalmot sa MSME Financing Forum and Business Matching sa Oro Trade and Investments Promotion Center (ORO-TIPC) karong adlawa, Marso 5 sa may City Tourism Hall.

 

Mipaambit usab sa ilang mga programa ang 11 ka financial institutions aron matabangan ug maggiyahan ang mga MSME's sa ilang mga negosyo.

 

Ang nasangpit nga inisyatiba sa ORO-TIPC nunot sa economic recovery program sa syudad ubos sa RISE Development Agenda ni Mayor Rolando ‘Klarex’ Uy.

 

Nasayran gikan ni Oro-TIPC Head John W. Asuncion nga daghan pang nakalinya nga mga programa ang giandam sa iyang buhatan aron pagtabang sa mga gagmay’ng negosyante ug kinatibuk-ang business community sa dakbayan. (GB/Photos by Roel Felicitas of CIO)