GIPRESENTAR sa buhatan sa City Disaster Risk Reduction and Management ubos sa pagpangulo ni Nick Jabagat ang dugang emergency response vehicles ngadto kang Mayor Rolando “Klarex” Uy adlaw’ng Lunes, Marso 4.

 

Ang mga bag-ong emergency vehicles naglakip na sa command and communication vehicle, duha ka first emergency responder motorcycles ug rescue vehicle alang sa paspas nga serbisyo panahon sa emerhensiya.

 

Matud ni Jabagat, dako og tubag ang mga bag-ong sakyanan ilabina ang first emergency responder motorcycles sa pagtubag ug paghatag og first aid panahon nga makasinati og traffic ang syudad atol sa emerhensiya.

Ang mga response vehicles napalit sa syudad gamit ang pundo gikan sa 5% calamity fund sa CDRRMD. (ACM/CIO Photos by KIM ZALDIVAR)