Sa taas nga panahon nga pagpaabot, mahatagan na gayud og katumanan ang gipangandoy sa mga empleyado sa city hall nga makabaton og desenteng pinuy-anan tungod kay subhan na sunod bulan ang housing project alang sa mga empleyado sa syudad, pamahayag ni Mayor Rolando `Kalrex’ Uy.

 

Kini ang gipahibalo sa mayor atol sa gipahigayong general orientation for city hall employees housing, adlaw’ng Miyerkules, Abril 17 diha sa City Tourism Hall pinaagi sa inisyatibo sa City Housing and Urban Development Department nga gipangulohan ni CHUDD department manager Atty. Samuel Rollo.

 

Kapin 400 ka mga empleyado kinsa mi-apply sa maong proyekto ang mitambong sa maong kalihokan diin ilang gikalipay ang kasayuran nga gibutyag ni Mayor Klarex atol sa iyang pakigpulong.

“Ampingi ninyo kining maong talagsaon nga kahigayonan nga inyong naangkon,” dugang ni Mayor Klarex ngadto sa mga empleyado.

 

Ang CHUDD mipasabot nga dili libre ang housing project kay aduna kini bayad apan sa barato nga presyo lamang, ilabina nga pinaagi man kini sa PAG-IBIG housing loan. (ALR/CIO/Photos by Rod Constantino/CIO)