Hugot nga gisuportahan ni Mayor Klarex Uy ang 8th general assembly sa Cagayan de Oro Federation of Persons with Disabilities (CAFEDPA) and Election of Officers, Abril 15, diha sa City Tourism Hall, ning siyudad nga gisalmotan sa 50 ka PWD organizations.

 

“Ang aduna’y deperensya ako gayud kanunay unahon ug atimanon. Bisan pa man unsang orasa o adlawa, makighinabi ko kay bililhon kaayo kanako ang higayon nga makaserbisyo kaninyo,“ saysay ni Mayor Klarex Uy.

Gani man, nalakbitan sa mayor nga lakip sa iyang programa sa People’s Day matag Miyerkules ang pagpanghatag og libreng wheelchair ug walker alang sa mga PWD nga nanginahanglan niini.

 

Midaug sa eleksyon sila si Shirley Tabigne, President; Rhett Zalsos, Vice President; Lorely Sabal, Secretary; Maricha Gentallan, Treasurer; Vivian T. Ravina, Auditor ug PIO Fernand Fernandez ug Donald Chavez.

 

Mitambong usab sa kalihokan sila si City Social Welfare and Development (CSWD) Department Officer Annie Tongson, Committee on Social Services Chairperson City Councilor Girlie Balaba, Supervising Social Worker for PWDs Joan Acraman, Persons with Disabilities Affairs Office Head Maria Liza Corpuz, CSWD PWD Section Head Ma. Cheryl Gacita ug uban pa. (NLB/CIO photos by Kim Zaldivar)