World Health Organization
Department of Health 
GIKATAKDANG ipahigayon sa City Health Office ang pagpamakuna kontra polio alang sa mga gagmay’ng kabataan sugod karong petsa 22 ning bulan sa Abril.
Kini alayon usab sa mando sa Department of Health sa pagpahigayon og Bivalent Oral Polio Vaccine Catch Up and Supplemental Immunization Activity sulod sa usa ka bulan.
Nasayran gikan sa City Health Office nga matag balay-balay gayud sila mobisita, gawas pa sa pagpamakuna diha sa mga health centers, lakip vaccination activity sa mga malls aron mas daghan gayud ang mabakunahan kontra polio.
Target sa maong supplemental vaccination program ang 95% sa mga gagmay’ng kabataan ning syudad nag-edad 0-59 months old.
Dako ang pagpasalamat sa buhatan sa laing augmentation force gikan sa Department of Health Regional Office 10 nga motabang sa maong oral polio vaccination. (GB/CIO Photos credits by CDO City Health Office)
