SOBRA sa usa ka libo ka mga residente sa barangay Cugman ning syudad ang nakapahimulos sa mga batakang serbisyo sa city hall human gisugdan ni Mayor Rolando ‘Klarex’ Uy ang ikaduhang hugna sa ‘Klarex nga Serbisyo sa Baryo’ kon KSB niadtong Sabado, Abril 13 ning tuig.

 

Sama sa naandan, nangulo si Mayor Klarex uban ang tibuok burokrasya sa city hall sa pagtunol sa nagkadaiyang mga serbisyo alang sa panglawas, agrikultura, social welfare, ug uban pa.

Kahinumduman nga natapos ang unang hugna sa ‘Klarex nga Serbisyo sa Baryo’ niadtong miaging tuig ug gisaad sa mayor nga mahibalik kini ug magpadayon karong tuiga. (AMTB/CIO)