Nagtigom dili pa lang dugay ang mga kadagkuan sa Roads and Traffic Administration (RTA), Land Transportation Franchising Regulatory Board (LTFRB-10), ug nagkadaiyang transport groups diin ilang gihisgutan ang kalabot sa bag-ong ruta nga gipatuman ilawom sa Local Public Transport Route Plan (LPTRP).

 

Lakip usab sa gihisgutan ang operasyon sa modern PUJs sa OROTSCO ilawom sa rationalized routes, mga concerns sa mga drivers ug operators sa R-2 PUJs mahitungod sa pagbalhin sa ilang ruta ngadto sa laing area, ug uban pa nga mga issues ug concerns.

 

Si RTA Dep’t Manager Engr. Nonito Oclarit namahayag nga ang tumong sa LPTRP mao nga mapa-uswag ang accessibility, epektibo, ug magmalungtaron ang matag adlaw nga pagbiyahe ingon man ang madasigon nga paggamit sa mga sakyanan nga ubos ang pagbuga.

 

Malaumon si Engr. Oclarit nga sa hinay-hinay matun-an, masabtan ug madawat sa mga transport groups ilabina sa mga drivers ug operators ang gipatuman nga mga bag-ong ruta ilawom sa LPTRP. (ALR/CIO/Photos from RTA)