Gisugdan pagguba sa mga personahi sa Barangay 35, uban sa tabang sa Task Group Demolition nga gipangulohan ni Antonio Resma, Jr., ang mga illegal structures sa maong lugar subay sa hangyo ni Punong Barangay Jose Ligtas, Huwebes, Mayo 9, 2024.

 

Gipasabot ni PB Ligtas nga nakababag sa drainage project ang mga illegal structures hinungdan nga nabalda ang pagtrabaho niini gumikan sa maong problema.

Ubay-ubay ka mga balay nga gikonsiderar nga illegal structures gumikan kay naka-encroached kini sa dalan ang target.

 

Hinuon, giatiman na sa syudad ubos sa administrasyon ni Mayor Rolando `Klarex’ Uy pinaagi sa City Housing & Urban Development Department (CHUDD) ang mga apektadong pamilya alang sa posibleng relokasyon, apan magdepende kung kuwalipikado sila sa housing program.

 

Gani, nag-apod-apod og food packs ang City Social Welfare and Development Department ngadto sa mga apektadong pamilya.

 

Makita usab ang presensiya sa kapulisan sa Cagayan de Oro City Police Office (Cocpo) partikular na sa Police Station 2 Cogon, Bureau of Fire Protection (BFP), Roads and Traffic Administration (RTA), ug mga Barangay Tanod. (ALR/CIO/Photos by Reynan Baylin/CIO)