GIBUKSAN na sugod karong adlawa ang upat ka adlaw nga Philippine Coffee Roasting Competition nga gipahigayon dinhi sa dakbayan nga gipasiugdahan sa Filipino Coffee Institute ug sa pagkigtambayayong sa Lokal nga pangagamhanan sa Cagayan De Oro.

Adunay 22 ka mga misalmot gikan sa nagkadaiyang bahin sa nasud karung tuiga diin ipakita niini ang abilidad sa pag-andam ug ang paggamit sa lokal nga mga kape sa nasud.

 

Tungod niini dako usab ang kalipay ni Mayor Rolando 'Klarex' Uy nga napili ang dakbayan alang sa maong kompetisyon.

 

Samtang, dungan sa maong programa ang paglagda sa Memorandum of Understanding (MOU) tali nila ni Filipino Coffee Institute President Ramon Jerry Cabalce ug Mayor Klarex Uy alang sa katukoran sa International Coffee Research and Development Center dinhi sa dakbayan.

 

Gawas sa maong kompetisyon nasayran gikan ni ORO-TIPC Head John Asuncion nga aduna usab giandam nga mga lectures ug pagtuon sa mga coffee brewers ingun man sa mga mananomay og kape dinhi sa dakbayan arun matabangan nga maka 'produce' og 'high quality coffee.'

 

Mipakita usab sa ilang suporta ang mga rehiyonal nga buhatan sa gobyerno sa maong kompetisyon sama sa Department of Trade and Industry, Department of Tourism, ingon man Department of Science and Technology lakip pribado nga mga partners. (GB/CIO Photos by Kim Zaldivar/CIO)