MOKABAT sa 2,362 ka mga PhilHealth IDs ug member data record (MDR) ang gitunol sa katawhan sa Barangay Bugo gikan sa kagamhanang lokal sa Cagayan de Oro pinaagi sa City Health Insurance Office ug sa hugot nga suporta sa PhilHealth Region 10 atol sa gipahigayon nga programa sa Klarex nga Serbisyo sa Baryo ni Mayor Rolando ‘Klarex’ Uy sa maong barangay, Hunyo 8 ning tuig.

 

Gawas sa pagpanghatag og PhilHealth IDs ug MDR, nahatagan usab og uban pang PhilHealth services ang mokabat sa 433 ka mga kliyente sa KSB, nga naglangkob sa mga serbisyo sa PhilHealth profiling, konsulta ug pagpanghatag og tambal.

 

Kini usa lang sa nagkadaiyang mga serbisyong gitanyag sa kagamhanan sa sinemanang Klarex nga Serbisyo sa Baryo sa tuyo nga mapaduol ang gobyerno sa katawhan ug ang katawhan mapaduol sa gobyerno. (AGP/CIO/Photos by CHIO)