GIBALIK-LANTAW sa 100 ka mga city scholars ang tipik sa kasaysayan sa dakbayan atol sa ‘4-day Heritage and Cultural tour’ nga gipasiugdahan sa City Tourism Office and Cultural Affairs Office.

 

Ang “Heritage and Cultural Tour” nga gisugdan niadtong Hunyo 10 kutob Hunyo 14 ning tuig, isip kabahin sa ‘Himugso Festival’ o pagtamod sa ika-74 nga kasumaran sa pagkahimugso sa dakbayan sa Cagayan de Oro.

 

Ang maong kalihokan naglangkob sa pagdu-aw sa pipila ka mga makasaysayanong lugar sa dakbayan ug pagbisita usab sa mga museum.

 

Lakip niini ang Duaw Park, Gaston Park, St. Augustine Cathedral, City Hall, Lourdes College, Amphitheater, Plaza Divisoria, Mac Arthur marker, karaang water tank, La Castilla Museum, Museo de Oro ug City Museum.

 

Tumong sa hamubo nga ‘heritage and cultural tour’ nga mapakita ang kabahandianon sa Cagayan de Oro isip syudad, katakos sa naunang nanimuyo sa hisgutanang patigayon tali sa langyaw’ng nasod, ekonomikanhon ug kulturanhong binayloay tali sa mga silingang komunidad ug uban pa. (AGP/Photos by Reynan Baylin/CIO)