GISUGDAN na sa City College of Cagayan de Oro ang ‘pre-registration’ alang sa umaabot nga City College Admission Test (CCAT) adlaw’ng Lunes, Hunyo 10 ug hangtud Hunyo 17 lamang.

Ang admission test ipahigayon karong Hunyo 18-19.
Mao kini ang gipahibalo sa kadagkoan sa maong kolehiyo alang niadtong interesado ug buot motungha nga mga kabatan-onan nga gradwado sa Senior High School, ALS completer ug residente ning syudad.

Ang klase magsugod karong Agosto ning tuig diin gitanyag niini ang 4-year degree courses: Bachelor of Technical Vocational Teacher Education (BTVTED), Bachelor of Technical Livelihood in Education (BTLED), Bachelor of Arts in Communications

Ang City College of Cagayan de Oro usa sa mga flagship programs sa administrasyon ni Mayor Rolando “Klarex” Uy diin maoy tinguha niini nga mapalambo ang kinabuhi sa Kagay-anons ug mahatagan og dekalidad nga edukasyon ang kabatan-onan.

Alang sa dugang kasayuran bisita lamang sa City College of Cagayan de Oro sa Brgy Agusan ning syudad ug magparehistro gamit ang link: https://bit.ly/citycollegeadmissiontest o i-scan ang QR code nga makita sa ubos ug hulatan ang text ug email alang sa schedule sa inyong exam. (ACM/CIO)