Dako ang kalipay sa usa ka kanhi Person Deprived of Liberty (PDL) human siya midawat og livelihood grant nga balor og P30,000 gikan sa syudad sa administrasyon ni Mayor Rolando `Klarex’ Uy pinaagi sa City Gender and Development program sa pagpangulo ni Sheila Lumbatan ug sa Department of Labor and Employment (DOLE) CDO Field Office alang sa iyang beauty salon nga panginabuhian.

Ang pagtunol gihimo atol sa Flag Raising ceremony sa city hall Lunes, Hunyo 24 pinaagi nila ni City Councilor Romeo Calizo kinsa mi-representar ni Mayor Klarex uban ni Vice Mayor Jocelyn Rodriguez, representante sa DOLE nga si Roy Casiño, Labor Employment Officer III, ug mga kadagkuan sa Bureau of Jail Management and Penology (BJMP-10). (NLB/CIO/Photos by Reynan Baylin/CIO)