Alayon sa hugtanong pagpatuman sa Drug-Free Workplace, usa ka mandatory drug test ang gipahigayon alang sa tanang mga empliyado sa city hall diin nagsugod kini sa mga buhatan sa City Environment and Natural Resources Office (CLENRO) ug sa City Assessment Department.

 

Ang kalihokan gipatuman pinaagi sa inisyatibo sa City Anti-Drug Abuse Division-Oro Wellness Center (CADAD-Oro Wellness Center) pinangulohan ni Dr. Rhyselle Bernadette Melliza-Descallar inabagan sa Philippine Drug Enforcement Agency (PDEA) Region-X.

 

Si Dr. Descallar mipadayag nga sama sa naandan walay pagpahibalo o abiso nga himoon ngadto sa mga buhatan nga sunod nga target sa maong mandatory drug test.

 

Samtang gipasalamatan sa CADAD sila si Dep’t Managers Engr. Armen Cuenca sa CLENRO ug Atinodoro Asequia sa City Assessment Department sa ilang koooperasyon ug suporta sa maong kalihokan. (ALR/CIO/Photos from CADAD-Oro Wellness Center)