World Health Organization
Department of Health 
MIKABAT sa kapin 200 ka Persons with Disabilities kon PWDs lakip ilang mga ginikanan ang nabakunahan niadtong Hulyo 20 diha sa SM Uptown vaccination site.
Sa Hulyo 21, adunay dugang 50 ka PWDs nga gilaumang bakunahan diha sa LKKS vaccination site.
Kini nga kalihokan nahimong posible tungod sa tabang sa City Social Welfare and Development (CSWD) Office ug City Health Office (CHO).
Ang maong kalihokan nunot sa kasaulogan sa National Disability Prevention and Rehabilitation Week nga molungtad hangtud Hulyo 23.
Ang kalihukan eksklusibo lamang alang niadtong mga PWDs nga natumbok sa CSWD ning panahon sa Enhanced Community Quarantine.
Alang sa mga PWDs nga wala pa marehistro, giawhag kamo nga magparehistro diin asa kamo nahisakop nga kategorya pinaagi niini nga link: https://services.cagayandeoro.gov.ph/vaccprereg/
(Nica Borja/Photos courtesy of CSWD and Reynan Baylin/CIO)
