Human gi-deklara nga ubos sa ECQ ang dakbayan, mipahigayon gilayon ang Regulatory Compliance Board og inspection diha sa Uptown area, coastal road, mga dagkong kadalanan sa syudad ug uban pang lugar diin adunay mga gireklamo nga nakalapas sa mga gabayan.

Ubay-ubay ka mga indibidwal ang na-isyuhan sa Ordinance Violation Receipt kon OVR human nasapon nga nakalapas sa curfew, nag-inom sa pampublikong lugar, wala nagsuot sa face mask ug paglapas sa social distancing policy.

Samtang gipahinumduman ang mga food establishments nga gibawal sa pagkakaron ang dine-in services ubos sa ECQ, ug delivery/take-out lamang ang gitugotan.

Gipangulohan ang inspection sa Regulatory Compliance Board, inubanan sa Cagayan de Oro City Police Office diin personal nga miuban si PCol. Aaron Mandia, ang OIC City Police Director. (SPP/Photos by Reynan Baylin)