World Health Organization
Department of Health 
SUBLING gipahinumduman ang katawhan lakip ang mga establisemento sa mga gabayan ubos sa Modified Enhanced Community Quarantine (MECQ), diin ubay-ubay gihapon ka mga kalihukan, tindahan, ug buhatan ang temporaryong gidid-an sugod Agosto 16 hangtod 31 ning tuig.
Ubos sa MECQ, bawal ang pagbukas sa mga entertainment venues sama sa bars, karaoke, clubs, beer houses, concert halls, theaters ug uban pang susamang lugar.
Lakip nga gipasirado ang recreational venues nga gilangkuban sa internet cafes, billiard halls, bowling, amusement arcades, amusement/kids’ parks, playrooms, perya, casino, cockfighting ug mga gaming establishments.
Ginadili usab ang social events, outdoor contact sports, indoor sports, pag-operate sa gyms, swimming pools, tourist attractions, mga venues alang sa conferences ug meetings, ug personal care services sama sa medical aesthetic clinics, cosmetic/derma clinic, make-up salons ug massage spas.
Tungod niini, gihingusgan sa Regulatory Compliance Board (RCB), Disiplina Muna Advocacy Team, Cagayan de Oro City Police Office (COCPO) ug uban pa ang pagpatuman sa mga gabayan nga basi sa IATF Omnibus Guidelines ug DTI Advisory. (SPP/file photos)
