World Health Organization
Department of Health 
PADAYON ang kampanya sa Regulatory Compliance Board (RCB) sa istriktong pagpatuman sa mga gabayan ubos sa Modified Enhanced Community Quarantine (MECQ), ilabina ang pagbawal sa pag-inom sa pampublikong lugar ug pagpasara sa mga videoke bars.
Atol sa RCB monitoring and inspection nga gipahigayon niadtong Agosto 17 sa gabii, nasapon ang pipila ka mga indibidwal nga nag-inom sa ilimnong makahubog diha sa usa ka tindahan ug nag-videoke.
Ang maong mga kalapasan mahimong silotan ubos sa Ordinance No. 13855-2020 kon ang ordinansa nga nagmando sa community quarantine guidelines sa dakbayan, gawas pa sa silot ubos sa IATF Omnibus Guidelines as of August 6, 2021, ug DTI Advisory No. 21-16.
Kahinumduman nga gipailawom ang dakbayan sa MECQ sugod Agosto 16 hangtod 31 ning tuig, diin gibawal pa gihapon ang pag-operate sa recreational ug entertainment venues sama sa beer houses, videoke bars, ug uban pang susamang establisemento (SPP/Photos by Reynan Baylin)
