TUNGOD sa nasinating pag-ubos sa COVID infection rate nga miresulta usab sa pag-ubos sa health care utilization rate (HCUR) sa syudad, posible nga mausab ang quarantine classification sa Cagayan de Oro.
Apan gipasabot ni Mayor Oscar Moreno nga bisan pa man og miubos ang HCUR, dili kinahanglan nga magdali ang katawhan sa kausaban sa quarantine classification, sanglit posible usab ang pagdaghan na usab sa mga kaso.


Saysay ni Mayor Moreno nga dili lang ta magdali kay dili ta gusto mahitabo ang ‘complete reversal of the game’.
Dugang pa ni Mayor Moreno nga ang usa sa mga lessons learned niining pandemya ang kanunay nga depensa sa katawhan aron dili matakboyan sa virus, sanglit paspas ang pagtakod apan dugay ang pagpaayo ug pagtambal ilabina kung grabe ang pagka-igo sa virus.
“Depensa lang gyud ang importante, and we will not give up our defenses,” matud ni Mayor Moreno. Kasamtangang anaa na lamang sa moderate risk ang HCUR sa syudad nga anaa sa 69.18%, kung itandi niadtong Agosto 25 nga anaa sa 80.05%. (ACM/CIO)