MOKABAT sa kapin 50 ka mga kliyente sa House of Hope Foundation Incorporated sa Upper Palalan, Lumbia ning syudad ang malampusong nakakompleto sa ilang ikaduhang dose sa COVID-19 vaccines pinaagi sa CDO mobile vaccination team, Oktubre 21 ning tuig.

 

 

Lakip sa mga nabakunahan ang pipila ka mga facility personnel ug mga molupyo duol sa House of Hope.

Sa kinatibuk-an mokabat sa 75 ang nabakunahan sa mobile vaccination team, 69 niini ang second dose ug 6 ang first dose.

 

 

Kahinumduman nga gilusad sa CDO COVID-19 vaccination team ang mobile vaccination sa tuyo nga mapalapdan ang pagpamakuna aron mas daghan pa ang maprotektahan batok sa severe infection sa sakit nga COVID-19. (AGP/CIO)