SUBLING nanawagan ang City Social Welfare and Development (CSWD) sa katawhan nga sundon ug tumanon ang adbokasiya nga ‘Magbigay sa Tamang Paraan, Huwag sa Daan,' ilabina nga duol na ang kapaskohan ug daghan na usab ang anaa sa kadalanan.

 

 

Lakip sa sakto’ng pagpakita sa pagkamanggihatagon mao ang pag-coordinate sa CSWD-Centers and Institutions Division nga maoy gitahasan sa pag-atiman sa mga anaa sa kadalalan ug walay kapuy-an.

 

Ang mga center ug institution gilangkoban sa Boystown Center – (alang sa abused/abandoned male minors); Home Care for Girls -(alang sa abused and CICL female minors); Golden Home Residential Care for the Elderly – (alang sa abandoned elderly); Bahay Pag-asa (alang sa CICL male); Mother Teresa Oro Care Center for Children (alang sa street children); Oro Pahulayan Shelter (alang usab sa stranded and homeless individuals).

 

Sa laing bahin, giawhag ang katawhan sa pag-report kung adunay makita’ng mga nagpalimos pinaagi sa pagtawag sa CSWD-Oro Response and Processing Center sa numerong 0927-5035-285 (Monday-Sunday; 8 am - 5 pm); Cagayan de Oro City Police Office sa numerong 0936-4017-888 o pagbisita sa mga duol nga police station (Monday-Sunday; 24/7).

 

Pwede usab mag-message mismo sa Oro City Social Welfare and Development fb page (Nica Borja/CIO)