MOKABAT na sa 4,850 ang katibuk-an nga nahatagan sa first dose sa COVID-19 vaccines sa 12-17 anyos sa Cagayan de Oro sukad gisugdan ang pediatric vaccination rollout niadtong October 29 ning tuig.

Matud ni Dr. Teodoro Yu Jr. sa city health office, ang preregistered online sa pediatric age group anaa pa sa 14,590 busa padayong gipanawagan ang mga parents/guardian nga magpre-register online sa mga bata pinaagi sa

https://services.cagayandeoro.gov.ph:8087/vaccprereg/ ug maghulat sa text alang sa schedule kanus-a ug asa nga vaccination site moadto.

Sa mga bata nga dunay nga gihambin nga balatian o co-morbidity kinahanglan og medical certificate o clearance.

Atol sa pagpamakuna dalhon ang school ID sa bata ug kinahanglan ubanan sa ginikanan o guardian nga gi-authorize ug magdala sa pirmado’ng consent letter.

 

Kung walay school ID ang bata, pwede ra ang usa ani nga mga dokumento; birth certificate, baptismal certificate ug barangay certification. (AGP/CIO)