SA dili madugay madeklarar na nga African Swine Fever-free ang Cagayan de Oro ilabina nga anaa na kini karon sa recovery stage, sigun kini sa pamahayag ni Acting City Veterinarian Dr. Lucien Anthony Acac.

Gani man, mipailawom na sa orientation alang sa Swine Sentinel Program ang walo ka mga barangay nga gipasiugdahan sa Department of Agriculture (DA) uban sa City Veterinary Office.

 

Kini mao ang Barangays Mambuaya, San Simon, Baikingon, Indahag, Macasandig, Agusan, Puerto, ug Tablon diin hatagan og baboy ingon man libre nga feeds ang mga farmers nga naigo sa ASF.

Gipasabot ni Dr. Acac nga ang swine sentinel program mao ang paghatag og test pigs ngadto sa mga apektadong hog raisers gikan sa mga barangay nga naigo sa ASF aron masuta kon anaa o wala na ang presensiya sa ASF virus.

Gidugang ni Dr. Acac inisyal pa lamang ang walo ka mga barangay nga mahatagan og test pigs. Ang programa gikatakdang ipatuman sa unang quarter sa sunod tuig. (ALR/CIO)