DAKO ang posibilidad nga makab-ot ang gitunguha nga ‘herd immunity’ batok COVID-19 karong umaabot kapaskohan kung magpadayon ang taas nga ihap sa mabakunahan matag adlaw
sa mga vaccination sites nga gidumala sa syudad, sa Department of Health, public ug private health facilities, lakip ang pagpamakuna sa pribadong sektor.
Matud City Mayor Oscar S. Moreno iyang dakong kalipay nga mitala ang syudad niadtong Nobyembre 19 og 11,530 nga katibuk-ang ihap sa nabakunahan batok COVID-19 sulod lang sa usa ka adlaw.
Mapasalamaton usab si Mayor Moreno sa tanan naglangkob sa vaccination team ingon man sa mga kapitanes nga hugot ang suporta sa barangay-based vaccination centers ug sa mobile vaccination. (AGP/Photos by Reynan Baylin/CIO)