MAGPADAYON ang pagpahigayon sa social pension pay-out sa kabarangayan sa unang semana sa Disyembre alang sa unclaimed pension diin 9,997 na ka mga

benepisyaryo nga senior citizens ang malipayong modawat sa ilang 2nd semester pension ning tuiga.

 

Pinaagi sa pagpaningkamot sa pwersa sa CSWD ilabi na sa Senior Citizen Division, miabot na sa 92% sa 10,751 beneficiaries ang nakadawat sa maong financial assistance diha mismo sa

nagkadaiyang covered courts sa matag barangay samtang house-to-house alang sa mga benepisyaryo nga lisod na’ng molakaw.

 

 

Atol sa pay-out, aduna usab mga pahalipay ang mga pribadong kompanya alang sa mga benepisyaryo pinaagi sa paghatag sa ilang mga libreng produkto ug uban pang serbisyo.

Ang pay-out ubos pagtinabangay sa CDO LGU ug sa Department of Social Welfare and Development (DSWD) ug gilauman nga mas mapalapdan pa kini sa mga mosunod nga tuig. (SPP/CIO)