MOKABAT na sa 1,001,384 ang kinatibuk-ang bakuna nga natupok sa nagpadayong COVID-19 vaccine rollout sa Cagayan de Oro, sigon pa sa datos sa City Health Insurance Office, January 2, 2022.

Kini naglangkob sa hiniusang pagpamakuna sa pribadong sektor, health facilities, LGU-CDO ug Department of Health sa eligible adult ug pediatric population.

 

Sa maong ihap, 15,275 ang natupokan sa ‘booster shot’, samtang 545,770 ang nabakunahan sa first dose ug 440,339 kanila ang fully vaccinated.

Padayong gi-awhag ang publiko nga magmatngon pinaagi sa pag-obserba sa minimum public health standards ug magpabakuna aron maproteksyonan batok ‘severe infection’ nga dala sa COVID-19 ug mga variants niini. (AGP/Photo by Rod Constantino/CIO)