Dul-an P2 milyones ka pesos ang gidonar sa Philippine Charity Sweepstakes-Misamis Oriental Branch alang sa mga biktima sa kalamidad dinhi sa syudad sa Cagayan de Oro.

 

Ang tseke nga nagbalor og P1,855,000 milyones personal nga gitunol kagahapong adlawa ni PCSO-Misamis Oriental Branch Manager Divina Salvacion ug mga kauban ngadto kang Mayor Oscar Moreno, Assistant City Social Welfare and Development Officer Nida Pańa ug representante sa City Finance Department.

 

Gikalipay ni Mayor Moreno ang maong donasyon nga kabahin sa Calamity Assistance Program sa PCSO, sanglit dako kini og ikatabang sa pagbangon sa kinabuhi niadtong mga pamilya nga naigo sa katalagman sama sa paghapak ni bagyong Odette bag-ohay lamang. (IAF/photos by Nic Anches)