GIPASIDUNGGAN sa Department of Environment and Natural Resources – Environmental Management Bureau (DENR-EMB) ang LGU CDO tungod sa “Best Practices” niini diha sa pagpatuman sa natad sa Solid Waste Management pinaagi sa pag-implementar sa istriktong ‘Plastic Bag Regulation’.
Lakip sa gipasidunggan ang Sustainable Eco-Bricks and Composting Facilities, Eco-friendly Urban Container Gardening ug pag-empower sa mga waste pickers pinaagi sa ilang kooperatiba.
Kahinumdoman nga gilagdaan ang City Ordinance 13378-2018 o Integrated Solid Waste Management Ordinance diin nalatid ang dili paggamit sa single use plastic cellophane sa mga establisemento lakip kamerkadohan, karinderya ug pharmacies ug istriktong gipatuman ang maong ordinansa niadtong Enero 1, 2020.
Ang paggamit sa eco bag hulip sa plastic cellophane ubos sa maong ordinansa nakapakunhod sa gidaghanon sa mga basura adlaw-adlaw. (ACM/CIO)