DAKONG garbo sa LGU-CDO human pormal nga natunol kagahapong adlawa, Enero 26, ang duha ka mga dagkong proyekto sa administrasyon ni Mayor Oscar Moreno, ug kini mao ang P20-million ‘Balay Paglaum’ ug laing P20-million ‘Oro Dalampanan’ diha sa Macanhan, Carmen, ning siyudad.

 

 

Sumala sa DSWD X, usa ka milestone ang katukoran sa Balay Paglaum alang sa mga kababayen-an kon Children in Conflict with the Law ug biktima sa Child Trafficking sanglit kini ang pinakauna dinhi sa pulo sa Mindanao ug Visayas.

Ang ‘Balay Paglaum’ maka-akomodar og 50 ka kliyente, samtang maka-akomodar usab og 25 ka kliyente ang ‘Oro Dalampanan’.

 

 

Ang ‘Oro Dalampanan’ usa ka temporary shelter alang niadtong adunay diperensya sa pangutok kon mentally challenged, ug stranded individuals and families.

 

Ang kalihokan gipaluyohan sa City Social Welfare and Development (CSWD) ubos ni CSWD Executive Overseer Michael Christopher Fabello, uban ni CSWD Centers and Institutions Division Head Threejan Ace Noli.

 

 

Mitambong sa kalihokan sila si Committee on Women and Family Relations Chairperson City Councilor Edna Dahino; Committee on Social Services Chairperson City Councilor Girlie Balaba; Committee on Education Chairperson City Councilor Suzette Magtajas-Daba; City Councilor Roger Abaday ug City Councilor Reuben Daba; opisyales sa barangay Carmen nga gipangulohan ni Punong Barangay Lorna Uy; CSWD Admin Division Head RC Tsini Solis; City Building Official Engr. Jenito M. Asequia ug Department of Social Welfare and Development X Juvenile Justice and Welfare Council representative Ronnie Barros. (NLB/CIO/Photos by Rod Constantino/CIO).